Maha ssc result बारावीच्या परीक्षेचा निकाल नुकताच जाहीर झाल्यामुळे आता सर्वांचे लक्ष दहावीच्या निकालाकडे लागले आहे. पालक आणि विद्यार्थी मोठ्या उत्सुकतेने या निकालाची प्रतीक्षा करत आहेत. बहुतेक सर्व राज्यांच्या शिक्षण मंडळांनी आपले निकाल घोषित केले असले तरी, महाराष्ट्र राज्य माध्यमिक आणि उच्च माध्यमिक शिक्षण मंडळाचा निकाल अजूनही प्रतीक्षेत आहे. त्यामुळे विद्यार्थी सातत्याने विचारणा करत आहेत की हा निकाल कधी लागणार आहे. याच संदर्भात एक महत्त्वपूर्ण माहिती समोर आली आहे.
यावर्षी सुमारे १६ लाखांपेक्षा जास्त विद्यार्थ्यांनी दहावीची परीक्षा दिली आहे. राज्यातील २३ हजार ४९२ माध्यमिक शाळांमधील विद्यार्थ्यांनी यासाठी नोंदणी केली होती. महाराष्ट्र राज्य माध्यमिक आणि उच्च माध्यमिक शिक्षण मंडळ लवकरच हा निकाल जाहीर करण्याच्या तयारीत आहे. संभाव्य वेळापत्रकानुसार, इयत्ता दहावीचा निकाल याच आठवड्यात घोषित होण्याची शक्यता आहे, म्हणजेच मे २०२४ च्या तिसऱ्या आठवड्यात.
तथापि, शिक्षण मंडळाने अद्याप अधिकृत तारखांची घोषणा केलेली नाही. बारावीचा निकाल लवकर लागल्यामुळे पदवी अभ्यासक्रमांची प्रवेश प्रक्रिया लवकर सुरू होईल. त्याचप्रमाणे, दहावीचा निकाल लवकर जाहीर झाल्यास अकरावीच्या प्रवेश प्रक्रियेलाही गती मिळण्याची शक्यता आहे. मंडळाने अद्याप निश्चित तारीख जाहीर केलेली नसली तरी, “बारावीचा निकालानंतर साधारणतः १० दिवसांच्या आत दहावीचा निकाल घोषित करू,” असे यापूर्वी मंडळाने सांगितले होते. यामुळे विद्यार्थ्यांमध्ये उत्सुकता वाढली आहे.
दहावीचा निकाल १४ किंवा १५ मे रोजी जाहीर होण्याची शक्यता वर्तवली जात आहे. १२ मे रोजी गुरुपौर्णिमेची सार्वजनिक सुट्टी असल्यामुळे आणि निकालाच्या आदल्या दिवशी आवश्यक तयारीसाठी वेळ द्यावा लागत असल्याने, १३ मे रोजी निकाल लागण्याची शक्यता कमी आहे. त्यामुळे, बहुधा १४ किंवा १५ मे रोजी दहावीचा निकाल घोषित होऊ शकतो. यापूर्वी मंडळाकडून मिळालेल्या माहितीनुसार, दहावीचा निकाल १५ मे पूर्वीच लागणार आहे. निकालाच्या दिवशी, विद्यार्थी दुपारी एक वाजल्यापासून आपले गुण पाहू शकतील. त्यामुळे शिक्षण मंडळाची तयारी पाहता, १३, १४ किंवा १५ मे या तीन दिवसांपैकी कोणत्याही एका दिवशी निकाल जाहीर होण्याची दाट शक्यता आहे.
